काभ्रेमा बर्डफ्लूको प्रकोप, ४० हजारभन्दा बढी हाँस-कुखुरा नष्ट

काठमाडौँ। काभ्रेका विभिन्न पोल्ट्री फार्ममा बर्डफ्लू (एच५एन१) सङ्क्रमण पुष्टि भएपछि हालसम्म ४० हजारभन्दा बढी हाँस तथा कुखुरा नष्ट गरिएको छ। केही हप्तादेखि धमाधम कुखुरा मर्न थालेपछि व्यावसायिक रूपमा पालिएका ४० हजार ७२९ हाँस तथा लेयर्स जातका कुखुरा नष्ट गरिएको जिल्ला पशु सेवा कार्यालय धुलिखेलले जनाएको छ।

कार्यालयका वरिष्ठ पशु चिकित्सक डा. बज्रकिशोर ठाकुरका अनुसार बनेपा नगरपालिकाको वडा नं ६ र १३ तथा पनौती नगरपालिकाको वडा नं ७, ८ र ९ का केही पोल्ट्री फार्महरूमा बर्डफ्लू सङ्क्रमण देखिएको हो। सङ्क्रमण नियन्त्रणका लागि परीक्षण, व्यवस्थापन तथा ओसारपसार नियन्त्रणका कामलाई तीव्र बनाइएको उनले बताए।