रत्नपुरमा शीत भण्डार बनेपछि आलु किसानलाई राहत

स्याङ्जा- स्याङ्जाको चापाकोट नगरपालिका–८ रत्नपुरमा एक सय टन क्षमताको शीत भण्डार निर्माण भएको छ। गण्डकी प्रदेश सरकार र चापाकोट नगरपालिकाको लागत साझेदारीमा रु एक करोड ६० लाखको लागतमा शीत भण्डार निर्माण गरिएको हो।

सुरुमा दुई सय टनभन्दा बढी क्षमताको शीत भण्डार निर्माण गर्ने योजना रहे पनि बजेट अभावका कारण एक सय टन क्षमताको मात्रै निर्माण गरिएको चापाकोट–८ का वडाध्यक्ष टोपलाल न्यौपानेले बताए।