रत्नपुरमा १०० टन क्षमताको शीत भण्डार निर्माण, आलु किसान उत्साहित

काठमाडौं– चापाकोट नगरपालिका–८ रत्नपुरमा १०० टन क्षमताको शीत भण्डार निर्माण सम्पन्न भएको छ । गण्डकी प्रदेश सरकार र चापाकोट नगरपालिकाको लागत साझेदारीमा रु १ करोड ६० लाख खर्चेर शीत भण्डार निर्माण गरिएको हो ।

रत्नपुर क्षेत्रलाई व्यावसायिक आलु उत्पादनको प्रमुख केन्द्र मानिन्छ। शीत भण्डार सञ्चालनमा आएपछि स्थानीय किसानलाई ठूलो राहत पुगेको छ। यसअघि किसानले आलु भण्डारणका लागि भैरहवा, गल्याङको जिमुहा र पुतलीबजारसम्म लैजानुपर्ने बाध्यता थियो ।