सुनकोशीमा बेपत्ता वृद्ध दम्पती: पत्नीको शव भेटियो, पति अझै बेपत्ता

हेटौँडा : काभ्रेपलाञ्चोक जिल्लाको भुम्लु गाउँपालिका–८ स्थित दुलालेश्वर महादेव मन्दिर छेउबाट सुनकोशी नदीमा हाम फालेर बेपत्ता भएका वृद्ध दम्पतीमध्ये पत्नी तिलकुमारी पराजुलीको शव फेला परेको छ।

गत साउन २० गते मण्डनदेउपुर नगरपालिका–७ बस्ने ६८ वर्षीय केदारनाथ पराजुलीले बोन म्यारो क्यान्सर भई शारीरिक रूपमा अशक्त भएकी आफ्नी ६७ वर्षीया श्रीमती तिलकुमारीलाई पिठ्युँमा बोकेर सुनकोशी नदीतर्फ जाँदै गरेको सीसीटीभी फुटेज सामाजिक सञ्जालमा भाइरल भएको थियो।