ईभीको ब्याट्री प्रविधिमा भएका नवप्रवर्तन, अल्ट्रा–फास्ट र मेगावाट चार्जिङ प्रविधिले बदल्दैछ शैली

एजेन्सी । एक्काईसौं शताब्दीको तेस्रो दशकमा आइपुग्दा संसारभरि जीवाश्म इन्धनमा आधारित सवारी साधनहरूलाई विस्थापित गर्दै विद्युतीय सवारी साधन (ईभी) ले आफ्नो प्रभुत्व जमाउन थालेका छन् ।

यस परिवर्तनको केन्द्रविन्दुमा ब्याट्री प्रविधि रहेको छ जसले सवारीको मूल्य, क्षमता, सुरक्षा र माइलेज निर्धारण गर्छ । विगत केही वर्षमा ब्याट्रीको विकास प्राविधिक सुधारमा मात्र सीमित नभएर भूराजनीतिक र औद्योगिक युद्धको मैदान समेत बनेको छ ।