सुनकोशीका हामफालेका दम्पतीको अन्त्येष्टि, पतिको शव नभेटिएपछि कुशलाई चितामा राखियो

काभ्रेपलाञ्चोक- काभ्रेपलाञ्चोकको दोलालघाटस्थित सुनकोशी नदीमा हाम फालेर चार दिनदेखि बेपत्ता दम्पतीको इन्द्रावती नदीमा सोमबार अन्तिम संस्कार गरिएको छ ।

हामफालेका दुईमध्ये पत्नी तिलकुमारीको मात्रै शव ओखलढुंगामा फेला परेको अवस्थामा सोमबार दुवैको अन्त्येष्टि गरिएको हो । नदीमा सँगै हामफालेका बेपत्ता केदारनाथको अवस्था अझै अज्ञात रहेको जिल्ला प्रहरी कार्यालय काभ्रेपलाञ्चोकका सूचना अधिकारी एवम् प्रहरी नायब उपरीक्षक रवीन विष्टले जानकारी दिए ।