भलिबल संघको नेतृत्वमा आउने पूर्वकप्तान मानबहादुरको चाहना

२५ साउन, काठमाडौं । नेपाली राष्ट्रिय भलिबल टिमका पूर्वकप्तान मानबहादुर श्रेष्ठ अहिले अस्ट्रेलियामा छन् । २०८१ कात्तिकमा अन्तर्राष्ट्रिय भलिबलबाट सन्यास लिँदै अस्ट्रेलिया पलायन भएका थिए । अहिले उनी नेपाल भलिबल संघको नेतृत्वमा आउने इच्छा जनाएका छन् ।

उनले सामाजिक सञ्जालमार्फत नेपाल आएर भलिबल संघको नेतृत्व गर्न तयार रहेको उल्लेख गरे । ‘यदि सम्भव छ भने नेपाल भलिबल संघले मलाई अध्यक्षमा नियुक्त गर्न सक्नुहुन्छ । राष्ट्रिय खेलकुद परिषद् र नेपाल सरकारबाट पारित गरेर ल्याउनुहुन्छ र मलाई संघ चलाउन दिनुहुन्छ भने म आउन तयार छु,’ उनले भने ।