द्वन्द्व ‘फ्रिज’ गर्ने प्रस्ताव अस्वीकार गर्दै रूस

मस्को- रूसले युक्रेनसँग जारी द्वन्द्वलाई तत्काल ‘फ्रिज’ वा अस्थायी रूपमा रोक्ने प्रस्ताव अस्वीकार गर्दै दीर्घकालीन शान्तिका लागि द्वन्द्वका मूल कारण समाधान गर्नुपर्ने अडान दोहोर्‍याएको छ।

रुसी उपविदेशमन्त्री मिखाइल गालुजिनले द्वन्द्वका अन्तर्निहित कारण सम्बोधन नगरी युद्ध रोक्दा दीर्घकालीन समाधान ननिस्कने बताएका हुन्। उनले रुसी राष्ट्रपति भ्लादिमिर पुटिनले पनि पटक–पटक यही धारणा सार्वजनिक गर्दै आएको उल्लेख गरे।