सुगौली सन्धीको 'ओरिजिनल कपी' भए/नभएको एकीन छैन : मन्त्री खनाल

काठमाडौं । परराष्ट्रमन्त्री शिशिर खनालले बेलायतसँग भएको १८१६ को सुगौली सन्धी र भारतसँग भएको १९५० को नेपाल–भारतमैत्री सन्धीका औपचारिक सम्झौताको रेकर्ड भए/नभएको एकीन नभएको बताएका छन् ।

सोमबारको प्रतिनिधिसभामा नेपाली कांग्रेसका सांसद निश्कल राईले सोधेको ‘बेलायतसँगको १८१६ को सुगौली सन्धी र भारतसँगको १९५० को नेपाल–भारत मैत्री सन्धीको ओरिजिनल कपी छ कि छैन ?’ भन्ने प्रश्नको जवाफमा उनले यस्तो बताएका हुन् ।