समस्याग्रस्त सहकारीबाट करिब चार हजार बचतकर्ताको रकम फिर्ता

काठमाडौं– समस्याग्रस्त सहकारी व्यवस्थापन समितिले हालसम्म करिब चार हजार बचतकर्ताको रकम फिर्ता गरिएको जनाएको छ। समितिका अध्यक्ष डिल्लीराज आचार्यका अनुसार समिति गठन भएपछि पूर्ण, आंशिक तथा बचत मिलानमार्फत उक्त सङ्ख्याका बचतकर्ताको समस्या समाधान गरिएको हो।

अध्यक्ष आचार्यले समितिसँग ७६ हजार बचतकर्तालाई करिब ४६ अर्ब रुपैयाँ फिर्ता गर्नुपर्ने दायित्व रहेको जानकारी दिनुभयो। त्यसका लागि सम्बन्धित सहकारीको सम्पत्ति यकिन गर्ने तथा उपलब्ध स्रोत परिचालन गर्ने काम भइरहेको उहाँको भनाइ छ।