युक्रेनी आक्रमणका कारण इन्धन अभाव भएको पुटिनको स्वीकारोक्ति

मस्को । रूसी राष्ट्रपति भ्लादिमिर पुटिनले पहिलोपटक सार्वजनिक रूपमा युक्रेनले गरेको मिसाइल र ड्रोन आक्रमणका कारण रूसमा इन्धन अभाव भएको स्वीकार गरेका छन् । यद्यपि अवस्था गम्भीर नभएको दाबी उनले गरेका छन् ।

सप्ताहन्तमा वरिष्ठ सरकारी अधिकारी र तेल उद्योगका प्रतिनिधिसँगको बैठकमा पुटिनले रूसभर मोटर चालक र व्यवसायीले इन्धन अभावको समस्या भोगिरहेको बताएका थिए । उनले केही पेट्रोल पम्पमा लामो लाइन लागेको र आवश्यक गुणस्तरको पेट्रोल सहज रूपमा उपलब्ध नभएको उल्लेख गरे ।