प्रतिनिधिसभाबाट नेपाल विशेष सेवा ऐनसम्बन्धी विधेयक पारित

काठमाडौँ । प्रतिनिधि सभाले ‘नेपाल विशेष सेवा ऐन, २०४२ को साविकको व्यवस्था जगाउने सम्बन्धी विधेयक, २०८३’ बहुमतले पारित गरेको छ । सोमबार बसेको प्रतिनिधिसभाको बैठकमा राज्य व्यवस्था तथा सुशासन समितिको प्रतिवेदन सहितको विधेयक पारित गरिएको हो ।

बैठकमा सभामुख डोलप्रसाद अर्यालले विधेयकको दफा २ (साविकको व्यवस्था जगाउने सम्बन्धी व्यवस्था) लाई निर्णयार्थ प्रस्तुत गरेका थिए । दफाको पक्षमा बहुमत सांसदहरूले ‘हुन्छ’ भनी ध्वनि मत प्रकट गरेपछि सभामुख अर्यालले विधेयक पारित भएको घोषणा गरे ।