लिग–२ मा खराब प्रदर्शनसँगै रोहितको कप्तानी खोसियो, चार वर्षपछि सन्दीपलाई जिम्मेवारी

काठमाडौं- रोहित पौडेललाई हटाउँदै नेपाल क्रिकेट संघ (क्यान) ले राष्ट्रिय टोलीको एकदिवसीय कप्तानमा लेगस्पिनर सन्दीप लामिछानेलाई चयन गरेको छ । अब उनको नेतृत्वमा नेपालले आगामी अगष्ट ३० देखि मलेसियामा आयोजना हुने एसीसी प्रिमियर कप खेल्नेछ ।

हालै नेदरल्याण्ड्समा सम्पन्न आईसीसी विश्वकप लिग–२ मा नेपाली टोलीले खराब प्रदर्शन गरेपछि क्यानले रोहित पौडेलको ठाउँमा सन्दीप लामिछानेलाई नयाँ कप्तान चयन गरेको छ ।