जसले जापानमा हुने पाँचौँ एसियाली पारा खेलकुदमा सहभागी हुन वाइल्ड कार्ड पाए

ललितपुर । जीवनमा कहिलेकाहीँ एउटा सानो घटनाले मानिसको गन्तव्य बदलिदिन्छ ।

यस्तै भयो सिन्धुपाल्चोकका रामबहादुर तामाङको जीवनमा । नेपाली सेनामा कार्यरत रहँदा कर्तव्य पालनाका क्रममा पोस्टबाट लडेर मेरुदण्डमा गम्भीर चोट लागेपछि रामबहादुरको जीवन ह्विलचेयरमा खुम्चियो । तर, शरीरको तल्लो भागले काम गर्न छोडे पनि उनको दृढ इच्छाशक्ति र सपना कहिल्यै थलिएन । आज उनै रामबहादुर हुन्, जो ह्विलचेयर टेनिसमा नेपालको प्रतिनिधित्व गर्दै जापानमा आयोजना हुन लागेको एशियन पारा गेम्समा सहभागी हुँदैछन् ।