धनकुटामा किसानको सहभागितामा कोदोका १० जातको परीक्षण सुरु

धनकुटा – धनकुटा नगरपालिकामा खाम्बेलामा कोदोका १० विभिन्न जातका कार्यमुखी अनुसन्धान सुरु गरिएको छ । स्थानीय किसान, जनप्रतिनिधि तथा कृषि क्षेत्रसँग सम्बन्धित विभिन्न निकायको सहभागितामा कोदोका जातीय परीक्षण सञ्चालन गरिएको हो ।

अनुसन्धानअन्तर्गत पाँच वटा उन्नत जात ओख्ले, डल्ले, काभ्रे–१, काभ्रे–२ र सैलुङको परीक्षण गरिँदैछ । यस्तै केएलइ–१५८, केएलइ–१५९ र केएलइ–२३६ तथा धनकुटाका स्थानीय लुली र मुड्की गरी १० जातको परीक्षण सुरु गरिएको अन्तरराष्ट्रिय एकीकृत पर्वतीय विकास केन्द्र (इसिमोड)का डा कमल अर्यालले जानकारी दिए ।