आईफोन १७ ले तोड्दैछ १५ वर्ष पुरानो रेकर्ड, इतिहासमै सबैभन्दा लामो समय 'फ्ल्यागशिप' रहने पक्का

काठमाडौं । गत सेप्टेम्बरमा एप्पलले आईफोन १७ सार्वजनिक गरेसँगै एउटा यस्तो रेकर्ड तोडिने प्रक्रिया सुरु भएको छ, जुन विगत १५ वर्षदेखि कसैले छुन सकेको थिएन । यो रेकर्ड तोडिन अझै एक वर्षभन्दा बढी समय लाग्ने भए तापनि हालसम्मका बजार चर्चा र सूचनाहरूलाई आधार मान्ने हो भने आईफोन १७ नै यो ऐतिहासिक सफलता चुम्ने पहिलो फोन बन्ने देखिएको छ ।

हालसम्मको यो कीर्तिमान आईफोन ४ को नाममा छ । सन् २०१० को जुन महिनामा बिक्री सुरु भएको आईफोन ४ अक्टोबर २०११ सम्म एप्पलको मुख्य वा टप आईफोनको रूपमा बजारमा टिकिरह्यो । एप्पलले आफ्नो नयाँ फोन सार्वजनिक गर्ने तालिका (लन्च साइकल) गर्मी महिनाबाट परिवर्तन गरी शरद् ऋतु (सेप्टेम्बर/अक्टोबर) मा सारेका कारण आईफोन ४ ले करिब १६ महिनासम्म आफ्नो शीर्ष स्थान सुरक्षित राख्न सफल भएको थियो ।