पञ्चेबाजाको सीप स्वरोजगारको आधार

लमजुङ । लमजुङमा मौलिक संस्कृतिको जगेर्ना गर्दै पञ्चेबाजाको सीप सिकेर स्वरोजगार बनौं भन्ने उद्देश्यका साथ पञ्चेबाजा तालिम सम्पन्न भएको छ । हालै भएको सो तालिममा बेसीशहर नगरपालिका–२ स्थित जनजागृति दलित एकता समाजका एक महिलासहित १२ जनाको सहभागिता रहेको थियो ।

कार्यक्रम वडास्तरीय दलित सञ्जालका अध्यक्ष सीता परियारको अध्यक्षता तथा बेसीशहर नगरपालिकाका निमित्त प्रमुख पदम गुरुङको प्रमुख आतिथ्यतामा भएको हो । कार्यक्रममा बोल्दै निमित्त प्रमुख गुरुङले पञ्चेबाजा नेपाली मौलिक कला र संस्कृतिको महत्वपूर्ण सम्पदा भएकाले यसको संरक्षण र प्रवद्र्धन आवश्यक रहेको बताउनुभयो । उहाँले यस्ता सीपमूलक तालिमले युवाहरुलाई स्वरोजगार बन्न प्रेरित गर्नुका साथै सांस्कृतिक सम्पदाको संरक्षणमा समेत टेवा पुग्ने विश्वास व्यक्त गर्नुभयो ।