कोलम्बिया र छिमेकी मुलुकमा शक्तिशाली भूकम्प, १८ जनाको मृत्यु

बोगोटा – कोलम्बिया र आसपासका केही ल्याटिन अमेरिकी मुलुकमा सोमबार शक्तिशाली भूकम्प गएको छ । प्रारम्भिक विवरणअनुसार भूकम्पमा परी कम्तीमा १८ जनाको मृत्यु भएको पुष्टि भएको छ भने ठूलो भौतिक क्षति भएको छ।

भूकम्पबाट कोलम्बियाको पेरेइरा सहर सबैभन्दा बढी प्रभावित भएको बताइएको छ। नगरप्रमुख माउरिसियो सालाजारलाई उद्धृत गर्दै काराकोल रेडियोले पेरेइरामा मात्रै कम्तीमा १८ जनाको मृत्यु भएको जनाएको छ। उनले सहरको अवस्था ‘गम्भीर’ रहेको बताए।