शंकर समूहका एक दर्जन कम्पनी रेटिङको ‘नेगेटिभ वाच’बाट हटे

काठमाडौं । रेटिङ एजेन्सी इन्फोमेरिक्सले शंकर समूहको लगानी भएका भएका कम्पनीहरूको क्रेडिट रेटिङलाई ‘नेगेटिभ वाच’ बाट हटाएको छ । व्यावसायिक घराना शंकर समूहका मूख्य लगानीकर्ताहरु शाहिल अग्रवाल, सुलभ अग्रवाल र शंकरलाल अग्रवाल लगायतलाई एकसाथ ४ वटा कसुरमा अनुसन्धान भई अभियोजन दर्ता भएपछि रेटिङ एजेन्सीले सो समूहको लगानी रहेका कम्पनीहरुको क्रेडिट रेटिङलाई ‘नेगेटिभ वाच’ मा राखेको थियो ।

यसरी नेगेटिभ वाचमा राखेको १८ कम्पनीमध्ये १३ कम्पनी १० दिनमा नै ‘नेगेटिभ वाच’ को सूचीबाट हटेका छन् ।