आइफोन १८ प्रोका तस्बिर र प्राविधिक विवरण डार्क वेबमा

क्यालिफोर्निया । एप्पलको आगामी आईफोन १८ प्रोका तस्बिर र प्राविधिक विवरण ठुलो डेटा चुहावटपछि डार्क वेबमा सार्वजनिक भएको अन्तर्राष्ट्रिय सञ्चारमाध्यमहरूले जनाएका छन् ।

अन्तर्राष्ट्रिय समाचार संस्था रोयटर्सका अनुसार एप्पलका प्रमुख आपूर्तिकर्तामध्ये एक टाटा इलेक्ट्रोनिक्समा भएको साइबर आक्रमणपछि आईफोन १८ प्रोसँग सम्बन्धित तस्बिर तथा पाट्र्स सूची डार्क वेबमा पुगेका हुन् । सार्वजनिक भएका तस्बिरहरूमा कथित रूपमा आईफोन १८ प्रोको ड्रप टेस्ट (खसालेर गरिने परीक्षण) देखाइएको छ । तस्बिरमा तीनवटा क्यामेरा भएको डिजाइन र एप्पलको लोगो देख्न सकिन्छ ।