कोरला नाका जोड्ने घमी खोला पुल सम्पन्न, चीनबाट सामान ढुवानी र उपल्लो मुस्ताङको यात्रा बाह्रैमास सहज

मुस्ताङ : उत्तर-दक्षिण व्यापारिक मार्ग विस्तार आयोजनाअन्तर्गत मुस्ताङको लो घेकर दामोदरकुण्ड गाउँपालिका-२ स्थित घमी खोलामा पक्की मोटरेबल पुल निर्माण सम्पन्न भएको छ। पुल बनेसँगै जोमसोमदेखि चीनको कोरला नाकासम्मको आवागमन बाह्रै महिना सहज भएको छ।

यसअघि बर्खायाममा खोलामा बाढी आउँदा उपल्लो मुस्ताङ जाने यात्रु र कोरला नाकाबाट सामान बोकेर आएका मालवाहक कन्टेनरहरू हप्तौँसम्म बाटोमै रोकिनुपर्ने बाध्यता थियो।