जेनजी विद्रोहमा ध्वस्त मन्त्रीनिवास बनाउन ४२ करोड

जेनजी आन्दोलनका क्रममा आगो लगाइएको ललितपुरको भैंसेपाटीस्थित मन्त्रीनिवासका भवन ४२ करोड रुपैयाँ लागतमा पुनर्निर्माण तथा मर्मत भइरहेको छ। सरकारले पुनर्निर्माण र मर्मतका लागि गत जेठमा ठेकेदार कम्पनीसँग सम्झौता गरेको थियो।

पूर्वाधार विकास मन्त्रालयमातहतको संघीय सचिवालय निर्माण तथा व्यवस्थापन कार्यालयका सूचना अधिकारी अरुण भुजेलका अनुसार आगामी असोजमा काम सक्ने गरी भएको सम्झौताअनुसार हाल काम भइरहेको छ। उनले भने, ‘हाल भैंसेपाटीस्थित मन्त्रीनिवास पुनर्निर्माण तथा मर्मत सम्भारको काम भइरहेको छ।’ उनका अनुसार पुनर्निर्माण पूरा भएपछि प्राथिमकताका आधारमा हाल पुल्चोकस्थित मन्त्रीनिवास र निजी निवासमा बस्दै आएका मन्त्रीलाई क्रमश: भैसपाटी लगिने छ।