कोलम्बियामा गयो ७.४ रेक्टर स्केलको शक्तिशाली भूकम्प, १३२ जनाको मृत्यु

काठमाडौं। दक्षिण अमेरिकी मुलुक कोलम्बियामा सोमबार बिहान गएको ७.४ रेक्टर स्केलको शक्तिशाली भूकम्पमा परी कम्तीमा १३२ जनाको मृत्यु भएको छ भने ५७० जना घाइते भएका छन्।

राष्ट्रपति नेतृत्वमा बसेको विपद् व्यवस्थापन बैठकपछि कोलम्बियन एसोसिएसन अफ क्यापिटल सिटिजले सार्वजनिक गरेको विवरणअनुसार भूकम्पबाट सबैभन्दा बढी प्रभावित पेरेइरा सहरमा मात्रै ६० जनाको ज्यान गएको छ। केन्द्रबिन्दुबाट ६४ किलोमिटरभन्दा कम दूरीमा रहेको यस सहरलगायत देशका पाँचवटा प्रमुख सहरमा ‘रेड अलर्ट’ घोषणा गरिएको छ। प्रकोपका कारण ८६ वटा भवन पूर्ण रूपमा भत्किएका छन् भने सुरक्षालाई ध्यानमा राख्दै सातवटा विमानस्थलको सञ्चालन अस्थायी रूपमा स्थगित गरिएको छ।