कांग्रेस केन्द्रीय समितिको बैठक आज पनि बस्दै

नेपाली कांग्रेस केन्द्रीय कार्यसमितिको बैठक आज (मंगलबार) पनि बस्ने भएको छ। बैठक बिहान ११:३० बजे पार्टीको केन्द्रीय कार्यालयमा बस्ने पार्टीका कार्यवाहक मुख्यसचिव कृष्णप्रसाद दुलालले बताए।

यसअघि सोमबार बसेको बैठकले खाना पकाउने ग्यासको आयात बढाएर भण्डारण सुनिश्चित गर्न, आपूर्ति सञ्जाललाई व्यवस्थित र सहज बनाइ जनतालाई राहत दिन सरकारसँग माग गरेको थियो।