राराको मनोरम दृष्य देखिने मुर्माटपमा नेपाल टेलिकमको फोरजी सेवा सुरू

मुगु । पर्यटकीय जिल्ला मुगुको प्रसिद्ध राराताल नजिकै रहेको पर्यटकीय गन्तव्य मुर्माटपमा नेपाल टेलिकमले फोरजी सेवा सञ्चालनमा ल्याएको छ । टेलिकमले हिजोबाट उक्त क्षेत्रमा उच्च गतिको फोरजी मोबाइल इन्टरनेट सेवाको औपचारिक शुभारम्भ गरेको हो ।

रारा राष्ट्रिय निकुञ्ज क्षेत्रभित्र पर्ने मुर्माटप रारातालको अनुपम दृश्यावलोकनका लागि चर्चित छ । रारातालबाट केही घण्टाको पदयात्रापछि पुग्न सकिने यस स्थलबाट रारातालका साथै विभिन्न हिमशृङ्खला तथा कर्णाली र सुदूरपश्चिम प्रदेशका मनोरम दृश्यहरू देख्न सकिन्छ ।