जनश्रमदानबाट मर्मत हुँदै ग्रामीण सडक

२६ साउन, डोटी । डोटीको जोरायल गाउँपालिका-६ का रामबहादुर बोहरा सोमबार हातमा फाउरो बोकेर स्थानीय ग्रामीण सडकमा निस्किए । उनीसँगै निस्कियो स्थानीयवासीहरुको एक समूह । महिला-पुरुषको सहभागिता रहेको उक्त समूह वर्षाका कारण अवरुद्ध भएको सानीगाड-सेरा सडक मर्मत गर्न निस्केको थियो ।

घरघरबाटै गैटी, बेल्चा, घन, साबेल बोकेर निस्केको सो समूहले सडकको पहिरो पन्छायो । सडक खुलेसँगै सबैले ताली बजाएर खुशी मनाए ।