२४ घण्टामा सबैभन्दा बढी वर्षा कञ्चनपुरमा

काठमाडौं । पछिल्लो २४ घण्टामा देशका धेरै स्थानमा वर्षा भएको छ । कोसीदेखि सुदूरपश्चिम प्रदेशसम्म अधिकांश भूभागमा पानी परेको मौसम पूर्वानुमान महाशाखाले जनाएको छ ।

मंगलबार (असार १६) दिउँसो १ः०५ बजे गरिएको पछिल्लो २४ घण्टाको मापनमा सबैभन्दा बढी वर्षा कञ्चनपुरमा भएको देखिएको छ । यो अवधिमा कञ्चनपुरको हनुमाननगरमा १४७.४ मिलिमिटर पानी परेको महाशाखाले जनाएको छ । यो ‘धेरै भारी’ वर्षा हो ।