एकैदिन ५८ डलरले बढेर दुई महिनायताकै उच्च विन्दुमा पुग्यो सुनको भाउ

काठमाण्डौ । अन्तर्राष्ट्रिय बजारमा सुनको मूल्य लगातार तेस्रो कारोबार दिन बढ्दै दुई महिनायताकै उच्च विन्दुमा पुगेको छ। अमेरिकी मुद्रास्फीतिसम्बन्धी तथ्यांक सार्वजनिक हुनुअघि लगानीकर्ताले अमेरिकी ब्याजदरको आगामी दिशाबारे संकेत खोजिरहेका बेला सुनको मूल्यमा वृद्धि भएको हो।

मंगलबारको कारोबारमा सुनको मूल्य १.३१ प्रतिशत अर्थात ५८ डलरले बढेर प्रतिऔंस ४ हजार ४१९ डलर पुगेको छ । यो मूल्य गत जुन ५ यताकै उच्च मूल्य हो।