प्रधानमन्त्री बालेन्द्र शाहले प्रचार गरेपछि डीडीसीको बिक्री बढ्यो, कृषकको बक्यौता आधाभन्दा बढी घट्यो

काठमाडौं- प्रधानमन्त्री बालेन्द्र शाहले सामाजिक सञ्जालमार्फत दुग्ध विकास संस्थान (डीडीसी) का उत्पादनको प्रवद्र्धन गरेपछि बिक्रीमा आएको सुधारले संस्थानको वित्तीय अवस्थासमेत सुधारिन थालेको छ । पछिल्लो तीन महिनामा डीडीसीले कृषकलाई तिर्न बाँकी रकम ७२ करोड रुपैयाँबाट घटाएर करिब ३५ करोड रुपैयाँमा झारेको जनाएको छ ।

लामो समयदेखि नगद अभाव, मौज्दात बढ्दो र कृषक भुक्तानीमा ढिलाइको समस्याबाट जुधिरहेको डीडीसीले आन्तरिक सुधार, खर्च नियन्त्रण र आक्रामक बजारीकरणमार्फत सकारात्मक नतिजा हासिल गर्न थालेको हो । प्रधानमन्त्री शाहले गत जेठ २ गते सामाजिक सञ्जाल फेसबुकमार्फत डीडीसीको चिजको प्रवद्र्धन गर्दै स्वदेशी उत्पादन प्रयोग गर्न आग्रह गरेका थिए ।