पाँच वर्षमा वाणिज्य बैंकहरूको ‘रेटिङ’मा उतारचढाव, कुन बैंक कति बलियो ?

काठमाडौं- इक्रा नेपालबाट साख मूल्यांकन गरिएका वाणिज्य बैंकहरूको पछिल्लो पाँच वर्षको साख मूल्यांकन(रेटिङ)मा विभिन्न उतारचढाव देखिएको छ। आर्थिक वर्ष २०७८/७९ देखि २०८२/८३ सम्मको विवरणमा केही बैंकको साख मूल्यांकन घटेको, केही निगरानीमा परेको तथा केही बैंकको मूल्यांकन फिर्ता भएको देखिएको हो।

इक्रा नेपालको विवरणअनुसार नेपाल एसबीआई बैंकले भने पाँचै आर्थिक वर्षमा ‘एए’ साख मूल्यांकन कायम राखेको छ। त्यस्तै, स्ट्यान्डर्ड चार्टर्ड बैंकले पनि आर्थिक वर्ष २०७८/७९ देखि २०८२/८३ सम्म लगातार उच्चतम ‘एएए’ मूल्यांकन कायम राखेको छ।