ट्रक व्यवसायी र सानिमा बैंकबीच सम्झौता : नागढुंगा सुरुङमार्गको शुल्क डिजिटल माध्यमबाट तिर्न सकिने

काठमाडौं । नागढुंगा–सिस्नेखोला सुरुङमार्ग सञ्चालनमा ल्याउने तयारी भइरहेका बेला यसको प्रयोगबापत लाग्ने शुल्कलाई डिजिटल माध्यमबाट संकलन गर्ने व्यवस्था मिलाइने भएको छ । यसका लागि नेपाल ट्रक यातायात व्यवसायी महासंघ र सानिमा बैंकबीच सुरुङमार्ग प्रयोग गर्ने सवारी साधनबाट शुल्क संकलनलाई नगदरहित बनाउनेसम्बन्धी सम्झौता भएको छ ।

सम्झौतापछि सुरुङमार्गमा प्रवेश तथा उपभोगबापतको शुल्क आरएफआईडी र क्यूआर कोडमार्फत भुक्तानी गर्न सकिने व्यवस्था हुनेछ । आरएफआईडी प्रणालीबाट सवारीसाधनको पहिचान गरी शुल्क व्यवस्थापन गरिनेछ भने सवारी धनीले क्यूआर कोड स्क्यान गरेर शुल्क तिर्न सक्नेछन् ।