अटोमोबाइल क्षेत्रलाई राजस्वको स्रोत मात्र मान्नु गलत : अध्यक्ष श्रेष्ठ

काठमाडौं- नेपाल उद्योग वाणिज्य महासंघका अध्यक्ष अन्जन श्रेष्ठले अटोमोबाइल क्षेत्रलाई सरकारको राजस्व उठाउने स्रोतका रूपमा मात्र हेर्नु गलत भएको बताएका छन्। नाइमा अटो एक्स्पोको उद्घाटन कार्यक्रममा बोल्दै अध्यक्ष श्रेष्ठले सवारीसाधनलाई विलासी वस्तुका रूपमा नभई अत्यावश्यक साधनका रूपमा हेर्नुपर्ने बताए।

‘यसलाई अति आवश्यक सवारीसाधनका रूपमा हेर्न जरुरी छ, विलासी वस्तुका रूपमा होइन,’ उनले भने, ‘सवारी आयातमा संसारकै सबैभन्दा महँगो भन्सार दर नेपालमा छ। चालु आर्थिक वर्षको बजेटमा पनि भन्सार दर बढाइएको छ।’