पुनमको मौलिक तीज गीत ‘बाबाको पियारी छोरी’ सार्वजनिक

काठमाडौँ । नेपाली मौलिक तीज संस्कृतिको संरक्षण तथा प्रवर्द्धन गर्ने उद्देश्यका साथ गायिका पुनम बस्यालले नयाँ तीज गीत ‘बाबाको पियारी छोरी’ ल्याएकी छन् । पछिल्लो समय आधुनिकताको नाममा तीज गीतमा विकृति भित्रिरहेका बेला बस्यालले मौलिकता झल्किने सिर्जना बजारमा ल्याएकी हुन् ।

गीतले तीजको वास्तविक मर्म, माइतीको प्रेम, साथीसंगीका यादहरू र बाल्यकालका मिठा स्मृतिहरूलाई जीवन्त रूपमा प्रस्तुत गरेको छ । विशेषगरी बाबु र छोरीबिचको आत्मीय सम्बन्धलाई गीतमा मार्मिक ढंगले समेटिएको छ ।