गभर्नरसँग भेटेपछि ‘मिस नेपाल’ दीपमाला : ऋण जीवनभन्दा ठूलो कहिल्यै हुँदैन

काठमाडौं । ‘मिस नेपाल २०२६’ दीपमाला ढकालले राष्ट्र बैंकका गभर्नर विश्वनाथ पौडेलसँग भेट गरी वित्तीय संकट र त्यसले मानिसको जीवनमा पार्ने असरबारे छलफल गरेकी छन् ।

ढकालले सामाजिक सञ्जालमार्फत भेटबारे जानकारी दिँदै ऋण तथा आर्थिक दबाबका कारण विशेषगरी युवाको जीवनमा पर्न सक्ने गम्भीर असरबारे गभर्नर पौडेलसँग महत्वपूर्ण कुराकानी भएको बताएकी छन् ।