काठमाडौंमा क्याम्ब्रिज इङ्लिस लिडरसिप कन्फरेन्स, एआई युगमा विद्यार्थीको सञ्चार सीप विकासमा जोड

काठमाडौं । क्याम्ब्रिज युनिभर्सिटी प्रेस एन्ड एसेसमेन्टले काठमाडौंमा ‘क्याम्ब्रिज इङ्लिस लिडरसिप कन्फरेन्स (CELC) २०२६’ आयोजना गरेको छ । सम्मेलनमा विद्यालयका प्रधानाध्यापक, विद्यालय नेतृत्वकर्ता तथा अंग्रेजी भाषा शिक्षकहरूको सहभागिता रहेको थियो ।

सम्मेलनमा कृत्रिम बौद्धिकता (एआई) को बढ्दो प्रयोग भइरहेको समयमा विद्यार्थीलाई भविष्यका लागि कसरी तयार गर्ने भन्ने विषयमा छलफल गरिएको थियो । विद्यार्थी केन्द्रित कक्षाकोठा, प्रभावकारी मूल्यांकन, तथ्यमा आधारित प्रतिक्रिया तथा सञ्चार सीपको बलियो आधारले विद्यार्थीलाई शैक्षिक तथा व्यावसायिक रूपमा सफल बनाउन महत्वपूर्ण भूमिका खेल्नेमा सम्मेलनमा जोड दिइएको थियो ।