प्रोटोनको नयाँ कम्प्याक्ट इलेक्ट्रिक एसयूभी ई.मास ५ सार्वजनिक, मूल्य कति ?

काठमाडौं । शङ्कर ग्रुपअन्तर्गतको जगदम्बा मोटर्सले नेपाली बजारमा प्रोटोनको नयाँ कम्प्याक्ट इलेक्ट्रिक एसयूभी ई.मास ५ सार्वजनिक गरेको छ । आधुनिक डिजाइन, उन्नत प्रविधि र प्रतिस्पर्धी मूल्यका साथ आएको यो विद्युतीय कम्प्याक्ट एसयूभी प्राइम र प्रिमियम गरी दुई भेरियन्टमा उपलब्ध हुनेछ ।

प्रोटोन ई.मास ५ को प्राइम भेरियन्टमा ३०.१२ किलोवाट घण्टा क्षमताको ब्याट्री प्याक जडान गरिएको छ । यसले डब्लुएलटीपी मापदण्डअनुसार २२५ किलोमिटरसम्मको ड्राइभिङ रेन्ज प्रदान गर्छ । त्यसैगरी प्रिमियम भेरियन्टमा ४०.१६ किलोवाट घण्टा क्षमताको ब्याट्री रहेको छ, जसबाट ३२५ किलोमिटरसम्मको रेन्ज प्राप्त गर्न सकिने कम्पनीले जनाएको छ ।