संकटमा जिम्मेवारी, सफलताका सारथी

२६ साउन, काठमाडौं । क्रिकेटमा एउटा तीतो यथार्थ छ- सफलताको श्रेय पूरा टिमलाई जान्छ भने असफलताको दबाब कप्तानमाथि बढी पर्ने गर्छ । कप्तान मैदानमा ११ खेलाडीको प्रतिनिधि मात्रै हुँदैन, टिमको प्रदर्शन, रणनीति र नतिजाको जिम्मेवारी पनि उसकै काँधमा आउँछ ।

नेपाली क्रिकेटमा पछिल्ला चार वर्ष यो यथार्थलाई सबैभन्दा नजिकबाट महसुस गर्ने खेलाडी हुन् रोहितकुमार पौडेल, जसको कप्तानी जिम्मेवारी सोमबारदेखि टुङ्गिएको छ ।