बीवाईडीले थाल्यो ‘अपडेट टु केयर प्लस’ अभियान, देशभरका सर्भिस सेन्टरबाट सेवा

२६ साउन, काठमाडौं । नेपालका लागि बीवाईडी अटो इन्डस्ट्री कम्पनीको आधिकारिक वितरक तथा सेवा प्रदायक साइमेक्स इंकले देशव्यापी ‘बीवाईडी अपडेट टु केयर प्लस’ अभियान सुरु गरेको छ। विद्यमान ग्राहकको स्वामित्व अनुभवलाई थप सहज, सुरक्षित र प्रविधिमैत्री बनाउने उद्देश्यले यस्तो अभियान थालिएको कम्पनीले जनाएको छ।

साइमेक्स केयर (बीवाईडी सर्भिस सेन्टर, गुहेश्वरी) मा आयोजित कार्यक्रममा अभियानको औपचारिक शुभारम्भ गरिएको हो । कम्पनीका अनुसार अभियान हाल देशभर रहेका बीवाईडीका १३ वटा सर्भिस सेन्टरबाट एकसाथ सञ्चालनमा आएको छ।