निर्जीवन बीमा बजार : अनिवार्य रहेको मोटर बीमाको हिस्सा ३० प्रतिशत, अन्य क्षेत्रको कति ?

निर्जीवन बीमाको कुल व्यवसायको ३० प्रतिशत भन्दा बढी हिस्सा मोटर बीमाले ओगटेको छ । बीमा प्राधिकरणको पछिल्लो तथ्यांक अनुसार कुल बीमाको ३०.२५ प्रतिशत हिस्सा मोटर बीमाले ओगटेको हो ।

चालु आर्थिक वर्षको जेठ मसान्तसम्मको अवधिमा निर्जीवन बीमा कम्पनीहरुले ४५ अर्ब ५८ करोड ३४ लाख रुपैयाँको बीका शुल्क आर्जन गरेका छन् । त्यसमध्ये मोटर बीमा बाट मात्रै कम्पनीहरुले १३ अर्ब ७८ करोड ६८ लाख रुपैयाँको बीमा शुल्क आर्जन गरेका छन् । यो अवधिमा निर्जीवन बीमा कम्पनीहरुले ३१ लाख ६ हजार ६२२ वटा बीमालेख जारी गरेका छन् । त्यसमध्ये मोटर बीमालेख मात्रै १५ लाख १२ हजार ५६६ वटा जारी भएका छन् । पछिल्लो समय सवारी साधानको प्रयोग बढेको तथा सरकारले पनि मोटर बीमा अनिवार्य गरेकाले यसको हिस्सा बढेको देखिएको हो ।