गण्डकी फायर र साँखर वारियर उपाधिका लागि भिड्दै

‘मुन लाइट ग्रुप’ चापाकोट क्रिकेट लिगमा गण्डकी फायर र साँखर वरियर आज उपाधिका लागि भिड्दै छन् । चापाकोट नगरपालिका– ९ मा रहेको गंगालाल माविको खेलमैदानमा शनिबार बिहान ११ बजे गण्डकी फायर र साँखर वरियर बीच खेल हुने चापाकोट नगर क्रिकेट संघका अध्यक्ष प्रेम नारायण रेग्मीले जानकारी दिनुभयो ।

चापाकोट नगर क्रिकेट संघको आयोजना तथा चापाकोट नगरपालिकाको संरक्षकत्वमा संञ्चालन भएको खेलमा गण्डकी फायर लिग चरणका सबै चारै खेलमा जित निकाल्दै फाइनलमा प्रवेश गरेको हो भने साँखर वरियरले कुवाकोट युथ स्टारलाई सेमिफाइनलमा पराजित गर्दै फाइनलमा प्रवेश गरेको हो ।