मूल बीउका लागि कोदोखेती

स्थानीय जातको कोदोको बीउ बचाउन स्याङ्जाको वालिङ नगरपालिका १ मा कोदोखेती सुरु गरिएको छ। गण्डकी प्रदेशका ११ जिल्ला कार्यक्षेत्र रहेको कृषि विकास स्रोत केन्द्रले गण्डकी प्रदेशमै मूल बीउ उत्पादन गर्ने उद्देश्यले प्रदेशमै पहिलो पटक ३० रोपनी जमिनमा कोदोखेती सुरु गरिएको कार्यालय प्रमुख सुदीप रेग्मीले बताए।

‘पछिल्लो समय कोदोको माग बढ्दो क्रममा छ’ उनले भने, ‘कृषकको मागलाई मध्यनजर गर्दै नेपाल सरकारले सिफारिस गरेको ‘काभ्रे २’ जातको कोदोको मूल बीउ उत्पादन गर्ने गरी अहिले कोदो रोप्ने काम भइरहेको छ।’