को आस्तिक, को नास्तिक?

भक्तपुरमा आयोजित एक कार्यक्रममा प्रमुख अतिथिका रूपमा संस्कृतिविद् सत्यमोहन जोशी आमन्त्रित हुनुहुन्थ्यो। आयोजक संस्था यो पंक्तिकारको आफ्नै थियो। कार्यक्रमस्थलमा आएदेखि नै मप्रति जोशीको हेराइ अलि अस्वाभाविक रहेको महसुस गरिरहेको थिएँ। तर, पाहुनाहरूको स्वागत र अन्य व्यवस्थापनमा व्यस्त हुनुपरेकाले उहाँसँग कुरा गर्ने मेसो मिलेको थिएन।

कार्यक्रम समापनपछि जलपान र सामूहिक तस्बिर खिचेर छुट्ने बेला उहाँले प्रश्न गर्नुभयो, “तपाईंले आज त्यो के लेख्नुभएको?”