र्‍याबिट फिभरको चौथो घटना, स्वास्थ्य अधिकारीले दिए यस्तो चेतावनी

अमेरिकाको न्युयोर्कस्थित लङ आइल्यान्डमा दुर्लभ तर गम्भीर संक्रमण गराउन सक्ने ‘र्‍याबिट फिभर’को चौथो घटना पुष्टि भएको छ। सुफोक काउन्टीका स्वास्थ्य अधिकारीहरूले यस वर्षको चौथो संक्रमण पुष्टि गरेका हुन्।

‘र्‍याबिट फिभर’लाई चिकित्सकीय रूपमा तुलारेमिया भनिन्छ। यो ‘फ्रान्सिसेला टुलारेन्सिस’ नामक ब्याक्टेरियाका कारण हुने संक्रमण हो। संक्रमित किर्ना वा हरिणमाखेको टोकाइ, संक्रमित खरायो तथा अन्य जनावरको सम्पर्क, दूषित पानी वा खाना र संक्रमित धुलो वा सूक्ष्म कण सासमा जाँदा मानिसमा संक्रमण हुन सक्छ। मानिसबाट मानिसमा भने यो संक्रमण सर्दैन।