इरानमा सैन्य नेतृत्व व्यापक फेरबदल, कट्टरपन्थी नेताहरूलाई महत्त्वपूर्ण जिम्मेवारी

स्ट्रेट अफ होर्मुजमा समुद्री सुरक्षा र यस जलमार्ग भएर हुने व्यावसायिक आवागमनसम्बन्धी अमेरिका इरानबिच वार्ता रोकिएका बेला इरानले आफ्नो शीर्ष सैन्य नेतृत्वमा ठुलो फेरबदल गरेको छ ।

सर्वोच्च नेता मोज्तबा खामेनीले वरिष्ठ सैन्य अधिकारीहरूको नियुक्ति गर्दै रिक्त रहेका महत्त्वपूर्ण पदहरू पूर्ति गरेका छन् । अमेरिका र इजरायलको हवाई आक्रमणमा इरानी सैन्य तथा राजनीतिक नेतृत्वका केही उच्च अधिकारी मारिएपछि रिक्त रहेका पदमा नयाँ अधिकारी नियुक्त गरिएको हो । नयाँ नियुक्तिले इरानी सेनामा स्पष्ट नेतृत्व संरचना कायम गर्ने र देशको सैन्य संयन्त्र स्थिर रहेको सन्देश दिने उद्देश्य राखेको देखिन्छ ।