प्रेस चौतारीले विशेष महाधिवेशन गर्ने, अध्यक्षलाई मार्गप्रशस्त गर्न सचिवालय बैठकको निर्देशन

काठमाडौँ । नेकपा एमालेनिकट पत्रकारहरुको संगठन प्रेस चौतारी नेपालले विशेष महाधिवेशन गर्ने भएको छ ।

संगठनका उपाध्यक्ष चेतन अधिकारीको अध्यक्षतामा शुक्रबार सम्पन्न सचिवालय बैठकले अध्यक्ष गणेश पाण्डेलाई पदमुक्तिका निम्ति मार्गप्रशस्त गर्न निर्देशन दिएको महासचिव हिरामान लामाले बताए । पार्टी नेतृत्वको निर्देशनबमोजिम आज शनिबार आयोजना गर्ने भनिएको केन्द्रीय कमिटीको तेस्रो बैठक स्थगित भएको उनले बताए ।