लाइसेन्स सेवामा नयाँ अनलाइन प्रणाली लागू, राष्ट्रिय परिचयपत्र र आफ्नै मोबाइल नम्बर अनिवार्य

काठमाडौं– यातायात व्यवस्था विभागले सवारी चालक अनुमतिपत्र (लाइसेन्स) लगायत यातायात सम्बन्धी सेवालाई थप व्यवस्थित बनाउन नयाँ अनलाइन प्रणाली लागू गरेको छ। २०८३ साउन १ गतेदेखि लागू भएको प्रणालीमा नयाँ लाइसेन्सको फारम भर्न र विवरण अद्यावधिक गर्न राष्ट्रिय परिचयपत्र नम्बर, आफ्नै नाममा दर्ता भएको मोबाइल नम्बर र इमेल अनिवार्य गरिएको छ।

नयाँ प्रणाली नागरिक एप, राष्ट्रिय परिचयपत्र र मोबाइल सेवा प्रदायकको प्रणालीसँग एकीकृत गरिएको विभागले जनाएको छ। अब नागरिक एपमार्फत सेवाग्राहीको विवरण स्वतः भरिने व्यवस्था गरिएको छ। विदेशमा रहेका सेवाग्राहीलाई इमेलमार्फत ओटीपी प्राप्त हुने सुविधा पनि थपिएको छ।