बागमती प्रदेशको यातायात टेन्डर प्रक्रिया रोक्न सर्वोच्चको अन्तरिम आदेश

काठमाडौँ। सर्वोच्च अदालतले बागमती प्रदेश सरकार र यातायात व्यवस्था सेवा कार्यालय, बालाजुले अघि बढाएको शिलबन्दी प्रस्ताव (टेन्डर) प्रक्रियालाई तत्काल अगाडि नबढाउन अन्तरिम आदेश जारी गरेको छ ।

न्यायाधीशद्वय हरिप्रसाद फुयाल र नृपध्वज निरौलाको संयुक्त इजलासले सुजन श्रेष्ठले दायर गरेको उत्प्रेषण मुद्दामा मंगलबार सुनुवाइ गर्दै उक्त प्रक्रियालाई 'यथास्थिति'मा राख्न आदेश दिएको हो।