बकैया नदीमा नुहाउन गएका ३ बालबालिका बेपत्ता

रौतहट । रौतहटको बकैया नदीमा नुहाउन गएका ३ जना बालबालिका बेपत्ता भएका छन । रौतहटको देवाही गोनाही नगरपालिका–२ लक्ष्मिनिया स्थित लालबकैया नदीमा आज मंगलबार दिउँसो नुहाउन गएका ३ जना बालबालिका बेपत्ता भएका हुन् ।

बकैया नदीमा नुहाउन गएका देवाही गोनाही नगरपालिका–२ लक्ष्मिनियाका शेख अमरे आलमका १० वर्षीय छोरा मोहम्मद रमतुल्लाह, सोही स्थानका शेख खुरौसेदकी १० वर्षीया छोरी रौशन खातुन र शेख ओसि अख्तरकी १० वर्षीया छोरी सवनम खातुन बेपत्ता भएको जिल्ला प्रहरी कार्यालय रौतहटका प्रहरी नायब उपरिक्षक बसन्त गौतमले जानकारी दिएका छन ।