कांग्रेसको ठहर: सरकारप्रतिको अविश्वास बढ्दा नागरिकमा निराशा, सम्झौता कार्यान्वयनमा गम्भीर बन्न आग्रह

नेपाली कांग्रेसले सरकारका गतिविधिका कारण नागरिकमा राज्यप्रतिको विश्वास कमजोर हुँदै गएको र त्यसले समाजमा निराशा बढाएको निष्कर्ष निकालेको छ।

मंगलबार बसेको कांग्रेस केन्द्रीय कार्यसमिति बैठकपछि प्रवक्ता देवराज चालीसेले जारी गरेको विज्ञप्तिमा सरकारले पटक–पटक सहमति गर्ने तर त्यसको प्रभावकारी कार्यान्वयनमा तत्परता नदेखाउने प्रवृत्ति बढेको उल्लेख गरिएको छ।