बुद्धभूमि नगरपालिकामा जिल्लामै पहिलो आधारभूत कर सेवा सुरु

बुद्धभूमि नगरपालिकामा जिल्लामै पहिलोपटक आधारभूत कर सेवा प्रवाह गर्ने कार्यको शुभारम्भ गरिएको छ। नगरपालिकाको आयोजना र आन्तरिक राजस्व कार्यालय कृष्णनगरको संयोजनमा मंगलबारदेखि उक्त सेवाको शुभारम्भ गरिएको हो।

यससँगै करसम्बन्धी आधारभूत सेवाहरू पालिकाभित्रैबाट प्राप्त गर्न सकिने भएको छ। सोसम्बन्धी कर कार्यालय र नगरपालिकाबीच सम्झौता गरी सेवा हस्तान्तरणसमेत गरिएको छ। कर कार्यालयका प्रमुख कृष्णप्रसाद न्यौपाने र नगरपालिकाका प्रमुख प्रशासकीय अधिकृत यमकान्त पाण्डेयले सम्झौतापत्रमा हस्ताक्षर गरेका थिए।